Amisch

Vun Wikipedia
Lengeschder Kaundi Amische

Die Amische sinn Widderdaafer (Anabaptists) - sie nemme ihre Naame vum Jakob Ammann. Deel Leit meene's watt gaar ken Technology geyused unnich die Amische. Deel vunne diehn yuscht gans wennich modern Technology yuuse, awwer Annere sinn meh modern. Deel Amische G'meene sin nidderer (meh conservative) as annere. Alli Gmee hot ihre eegne Addning. In deel diehn sie schwatzi Maschiene (Kaere) faahre (sowie die Beachy Amische), un in Deel Annere, faahre sie Geil unn Boggis, ohne Decher, awwer 's Menscht vunne henn Dach-Weglin. In Lengeschder Kaundi sinn die Boggis groh, die Menner weere zwee-Gaelles uff em Buckel, mit Schtroh- unn Wollhiet, unn die Familie henn letschde Naame wie "Fisher", "Beiler", "Glick" unn "Schtolsfuus". Awwer unnich die Schwatzedruwwer Amische in Ohio, sinn ihre Gleeder attlich differnt vun was mer sehne daet in Lengeschder Kaundi, Pennsilfaani. Die Leit sinn gwehnlich net "Beiler" gheese, awwer "Zook", "Yoder", "Hochschtettler", unn so weiter. Die Hiet sinn graad unn lang, die Boggis schwatz. Es mecht sei, as allzwee vun'ne Amisch sinn, die Schwatzedruwwer Amische unn die Lengeschder Amische, awwer sie sinn net gans seem. So iss's aa mit en Wisch annere Grupps, wie die Weiss-Weggli Amisch unn die Beachy Amische.


Ausbund #76
Ich bin auch gar verlassen
Von allen Freunden mein,
Verlegt sind mir all Strassen,
Ihr G'fangner muss ich sein.
Wo sie nur finden mich,
Da muss her halten ich,
Thun mich raussen und schlagen,
hassen unschuldiglich.
(Ausbund-Liedel #76 gschriwwe vun'em Swiss-Widderdaafer Christoph Baumann)


In 2005 hot mer in die United States un Kanadaa 130,778 Amische G'meeglieder in 1.763 G'meedeeler gezeehlt g'hat.. (Quelle: Mennonite Weekly Review, 20. Yuni 2005, Seit 10). In 2008 waar's schun baut 231,000 G'meeglieder (Source: "etown.edu").

Maschiene unn Boggis zaame uff em Weg kenne ebmols gfaerlich warre

Gschicht[Ennere | Quelltext bearbeiten]

Die amisch Muufment nemmt ihre Naame vum Jakob Ammann, er waar en Swiss Mennischt, wu noch Alsace gezogge waar. Der Jakob hot geglaabt ass some Mennischde warre zu weltlich am warre. Er hot welle g'hat en schtrenge Meiding bhalde. Fer en lange Schtori katz mache, henn die Mennischde noh en Schpalt g'hat, mit die Jakob Amman Leit uff die eent Seit, unn die Hans Reist (Mennischde) Leit uff die Anner.

Amische in Schweezerland[Ennere | Quelltext bearbeiten]

S'waare Amische im Kanton Bann im Emmendaal unn um Lake Thun rum. Sidder 1696 sinn en latt vunne noch Markirch gezogge in die Alsace unn e bissel schpeeder aa noch die Jura Barriye in Schweiz.

In 1750 sinn viel Leit, wo ihre amische Identity bhalde henn welle, weggezogge vun Bann, Schweiz. Awwer s'waare noch Leit, wo Amisch waare bis attlich neechscht 1900. Noch sellem sinn die Leit, wo bis selli Zeit noch Amisch waare, Mennonites gheese warre.

In 1900 waar's zwee Amische Gmeene neechscht an Bann, Schweiz. Selli waare die La Chaux de Fonds Gmee in de Jura Barriye unn die Holestrasse Gmee, neechscht an Basel.

Amische im Elsass[Ennere | Quelltext bearbeiten]

Die Amische sinn noch's Elsass gezogge, noch ass sie vun Kanton Bann, in Switzerland, rausgschmisse waare sinn.

Amische in die Palz[Ennere | Quelltext bearbeiten]

Die Amische sinn noch de Palz kumme noch ass sie rausgschmisse waare vun Kanton Bann in Schweiz. En latt vun die Gmee waare um Zweibrucken. In 1731 hat's 13 amisch-mennischde Gmeene in de Palz gewwe g'hat.

Gwuelle:
Mast, C. Z. and Robert E. Simpson (1942). Annals of the Conestoga Valley in Lancaster, Berks and Chester Counties, Pennsylvania. Scottdale, Pennsilfaani : Mennonite Publishing House, p. 214.

Amische in Mömpelgard[Ennere | Quelltext bearbeiten]

Mömpelgard, in franzeesisch Montbéliard, waar en Gegend ass en Heemet fer en latt Brodeschdande Leit waar. Die Amische henn datt driwwer meh Freiheit ghatt ass wie in de Schweiz.

Amische in Amerikaa unn Kanadaa[Ennere | Quelltext bearbeiten]

1717 - 1776[Ennere | Quelltext bearbeiten]

"Rural Pennsylvania" gmolt bei der Katherine Milhous fer die Owwerichkeit

Bei 1800 waare baut 40% vun die Leit in Pennsilfaani Deitsche, awwer velleicht waar's wennicher ass 1 000 leit in die Schteets, wo Amisch waare.

Amische Immigrants zu de Schteets
Naame Immigration Yaahr Settlement Blatz
Hans Gnage Bern Taunschip
Christian Beiler Bern Taunschip
Christian Beiler Bern Taunschip
Conrad Reif Bern Taunschip
Jacob Kauffman Bern Taunschip
Jacob Stutzman Bern Taunschip
Jacob Hertzler(Bischof) 1749 (Saint Andrew) Hambarrig, Pennsilfaani
Christian Stutzman Bern Taunschip
Isaac Kauffman Hambarrig, Pennsilfaani
Jacob Yoder Hambarrig, Pennsilfaani
Benedict Speicher 1737 (Charming Nancy) Bernsville, Pennsilfaani (Mennischt)
Benedict Lehman Hambarrig, Pennsilfaani
Christian Yoder Hambarrig, Pennsilfaani
Christian Stehly Bernsville, Pennsilfaani
Christian Hershberger 1737 Bernsville, Pennsilfaani
Johannes Lantz Bernsville, Pennsilfaani
Jacob Mast 1737 Bernsville, Pennsilfaani
Jacob Kauffman (Breddicher) Bernsville, Pennsilfaani
Melchoir Detweiler 1742 Northkill Amisch Settlement
Abraham Kurtz (Breddicher) 1749 Earl Taunschip
Christian Schmucker Earl Taunschip
Jacob Beiler 1737 Bern Taunschip
Hans Jacob Kauffman 1737
Christian Miller 1737 Bern Taunschip
Christian Berkey 1737 Bern Taunschip
Hans Zimmerman 1737 Bern Taunschip
Henry Stehly 1737 Bern Taunschip
Ulrich Spicher 1737 Bern Taunschip
Moritz Zug 1742 Upper Berks Co.
Christian Zug 1742 Upper Berks Co.
Johannes Zug 1742 Upper Berks Co.
Johannes Gerber 1742 Upper Berks Co.
Jacob Gut 1742 Upper Berks Co.
Heinrich Miller 1742 Upper Berks Co.
Christian Miller, Sr. 1742 Upper Berks Co.
Christian Yoder, Jr. 1742 Upper Berks Co.
Jacob Kurtz 1742 Lengeschder Kaundi
Jacob Yoder 1742 Upper Berks Co.
Johannes Gnage 1742 Upper Berks Co.
Hans Kurtz
Stephen Kurtz
Christian Koenig 1753 Bern Taunschip
Jacob Koenig
Samuel Koenig 1753 Bern Taunschip
Yost Yoder
Michael Stucky
Johannes Schneider
Nicholas Stoltzfus 1766

Gwuelle:

  • MacMaster, Richard K. (1985). Land, Piety, Peoplehood: The Establishment of Mennonite Communities in America 1683-1790. Scottdale, Pennsilfaani : Herald Press, p. 86-87.
  • Mast, C. Z. and Robert E. Simpson (1942). Annals of the Conestoga Valley in Lancaster, Berks and Chester Counties, Pennsylvania. Scottdale, Pennsilfaani : Mennonite Publishing House.

1812 - 1860[Ennere | Quelltext bearbeiten]

Die greeschd Immigration vun Amische waar am aangeh gwest zwischich die do Yaahre.

Amische Weibsleit

1860 - 1900[Ennere | Quelltext bearbeiten]

In 1890 waar's baut 3 700 Amische in die Schteets. S'Menscht vun'ne waare net in Pennsilfaani, awwer in Illinois.

Unnerschittliche Aarde vun Amische[Ennere | Quelltext bearbeiten]

Fer meh Information weeyich die Amische, tschuus ee Satt vun Amische Gmee, cause 's iss zu hatt fer schwetze weeyich all die unnerschittliche Satte vun Amische in ee Ardickel.

Alte Amische (Old Order Amish, House Amish)
Swiss Amisch
Schwatzedruwwer Amisch (Yoder Gmee)
Troyer Amisch
Weis-weggli Amisch (Nebraska Amisch, Alt Schuhl Amisch)
Byler Amisch
Nei Addning Amisch (New Order)
Renno Amisch (Peachey Amisch)
Alt Amisch (annere Old Order Amisch)
Gmeehaus Leit (Amisch-Mennischte)
Beachy Amisch (Amisch-Mennischte)
Western Amish Mennonite Conference (1890-1920)
Eastern Amish Mennonite Conference (1893-1927)
Indiana-Michigan Amish Mennonite Conference (1888-1917)
Gmeene mit me grosse Deel amische Herkummes
Western Ontario Mennonite Conference
Association des Églises Évangéliques Mennonites de France (AEEMF)
Guck mol aa an
Amische Settlements
Amisch in MennoPedia

Gwuelle:

  • Mennonite Historical Society of Canada
  • Herr, P.T., E. Johnson unn S. S. Miller, ed. Louise Stoltzfus (1999). "The Life and Times of Nineteenth-Century Plain Women", Pennsylvania Mennonite Heritage, Vol. 22, No. 4, p. 2.
  • Nolt, Steven M. (1992). A History of the Amish, Intercourse, Pennsilfaani: Good Books.

Die Amische (IPA: [ˈɑːmɪʃ]), sinn Widderdaafer (Anabaptists) unn en Grischdliche Religious-gmeeschaft, wo in die United Schteets unn in Kanadaa (Ontario unn Manitobaa) wuhne. Sie sinn bekennt fer ihre pleene Gleeder unn fer ihre limited Yuus vun neie Saches, so wie Maschiene unn Leckdrick. Die Amische sinn wehrlos unn die Old Orders schwetze noch Pennsylvania Deitsch odder "Schweizerdeitsch", in en Paar Bletz.

Emter in die Amische Gmeene[Ennere | Quelltext bearbeiten]

Emter in die Amische Gmeene
  1. Eldeschder / Vellicher Diener / Bischof (Bishop)
  2. Vellicher Aarmediener (Full Deacon) (Es sinn nau juscht en Paar Amische G'meene meh, ass daer do Amt noch henn. En Vellicher Aarmediener hat aa meh Authority g'hat, as en g'wehnlicher Breddicher.)
  3. Diener zum Buch / Breddicher (Preacher)
  4. Aarmediener (Deacon)
Commons: Amish – Pikder, Videos unn/odder Audiofeils