Weiss-Weggli Amisch

Vun Wikipedia
Gang nooch: Faahre-Gnepp, guck uff
Weiss-Weggli Amisch

Die Weiss-Weggli Amisch sinn aa Nebraska Amisch odder Alt Schuhl Amisch gheese. Sie sinn en schtrenge amische Grupp.

Gschicht[Ennere | Quelltext bearbeiten]

In 1790 sinn Amische Leit noch em Kishacoquillas Daal kumme. Sie sinn vun Somerset Kaundi, unn annere Bletz herkumme.

In 1849 hot's die Samual B. King Schpalding gewwe.

In 1881 henn die Weiss-Weggli Amisch weck vun der Alt Gmee gschplitt. Noh waare ee Grupp die Byler Amisch gheese unn die annere Grupp, die Nebraska Amisch gheese. Sie henn Hilf grickt vun me amische Settlement in Nebraskaa unn vun me Bischof datt, der Yost H. Yoder vun Gosper Kaundi, Nebraskaa.

In 1933 die Weiss-Weggli Amisch henn in zwee gschplidde wu die Zook Gmee hot weck vun de Yoder Gmee gschplitt. Die Schplitt waar iwwer en Vorbau uff re Scheier.

In 1978 die Zook Gmee hot in zwee gschplitt. Die Rufus Gmee hot in 1978 weck gschplitt vun'ne.

Bletz[Ennere | Quelltext bearbeiten]

Sie wuhne in Mifflin Kaundi, Pennsilfaani. Some vun'ne wuhne heidedaags in annere Kaundis in Pennsilfaani.

Geil unn Boggi[Ennere | Quelltext bearbeiten]

Sie sinn "Weis-weggli Amisch" gheese weil de Boggis ihre Decher weis sinn.

Gleeder[Ennere | Quelltext bearbeiten]

Sie Menner duhne kenne Gaelles unn kenne Belts waere. Sie henn weisse Hemmer, braune Hosse, unn grohe Kiddel.

Die Fraae sinn aageduh in Halsdicher. Sunndaags sinn sie weiss, Schaffdaage sinn sie gfaerebt. Sie henn aa en Schatz aa. Der Schatz iss gfaerebt fer gheierede Fraae, unn er iss weiss eb sie gheiert iss (ebmols darich die Woch iss er gfaerebt, even wann sie net gheiert iss). Die Fraae waere aa en Unnerrock, unn en Rock mit Lepplin. Die leddiche Meed sinn aa aageduh in schwatzi Kappe. Glei noochem Heiraat, duhne sie weise Kappe aa. Die Fraae waere aa Koppdicher uff em Kopp, iwwer ihre weisse Kappe. Sie sinn schwatz. Endlich duhne die Fraae Schtrohhiet waere fer Schadde vun der Sunn hawwe. Sie waere kenne Bannets. In der Winderzeit, die Fraae waere en Maendel.

Haar[Ennere | Quelltext bearbeiten]

Die Menner waere ihre Haar zu de Schultere, unn so sinn ihre Ohre gans gedeckt.

Unnerschittliche Gruppe[Ennere | Quelltext bearbeiten]

Es sinn baut sex Aarde Weis-weggli Amisch, yedi hot sei eegni Addning.

Gwuelle[Ennere | Quelltext bearbeiten]

  • Weiser, Frederick S. (1998). "The Clothing of the "White Top" Amish of Central Pennsylvania", Pennsylvania Mennonite Heritage, Vol. XX1, No. 3, p. 2-9.
  • Hostetler, John A. (1993). Amish Society, Baltimore: The John Hopkins University Press.