Des Wikipedeli do is en project fa en uffgukkbichli uffbaua in Pennsylvania Deitsh. Du bisht eiglawda fa helfa mit. Siddah em Tshoolei 2005 sin miah do, un nau hen miah 2.048 ardikkela in di do deitsh enseiklopaydeeya.
Da John Schmid voont in Berlin, Ohio, un hot zvay CDs mit pennsylvania-deitsha Shtickah gepublisht. Sell is, vas eah kshrivva hot ivvah sich selvah in Vol. 10 (2006), No. 1 funn Hiwwe wie Driwwe: "Baut zayya yoahra zrikk havvich da Keith un di Karleen Brintzenhoff kayaht singa in Deitsh do in Berlin (OH). Ich hab iahra leed, ”Maydli, vitt du heiahra?” goot geglicha, un ich hab’s glannt un kshtaeaht singa in mei concerts.
Do in di Vadda-Sheiyah finnsht du all di vadda eiglagaht, es du fleicht shunn kennsht, avvah aw feel vadda, es du fagessa hosht, addah vo naet glei eifalla volla, addah aw neia un nitzlicha vadda, es du noch nee kayaht hosht.
Du finnsht zum Beishpeel es vatt "Amshel" naet unnah "A", sunnah unnah da rubrick "Fekkela" - un di rubrick "fekkela" in di rubrick "Diahra" - un di Diahra, di finnt miah nadeerlich in da "Naduah".
Pennsylvania Deitsh
Pennsylvania Deitsh, es aw Pennsylvania German, Pennsylvania Dutch odder Pennsilfaanisch genennt vatt, is en shprohch, vo kshvetzt vatt bei fleicht 300,000 leit in may vee 20 shtayts in di USA un in Ontario (Canada). Di maynshta shvetsah sin heit amisha un Fuahramennishda, vo deitsh aw heit noch shvetsa zu iahra kinnah, avvah's gebt aw en latt luthrisha un reformierda, vo di muddahshprohch noch kshvetzt hen, vee si en kind voahra.
