Schloof, Bobbeli, Schloof!
Schloof, Bobbeli, schloof!
Der Daddi hiet die Schoof.
Die Mammi hiet die braune Kieh
Und kummt net heem bis Marriye frieh.
Schloof, Bobbeli, schloof!
Schloof, Bobbeli, schloof!
Der Daddi hiet die Schoof.
Die Mammi hiet die Lemmer,
Noo schlooft des Bobbel noch lenger.
Schloof, Bobbeli, schloof!
Schloof, Bobbeli, schloof!
Der Daddi hiet die Schoof.
Die Mammi die kocht Schnitz un Gnebb;
Der Daddi hiet die Keffer weg.
Schloof, Bobbeli, schloof!
Schloof, Bobbeli, schloof!
Der Daddi hiet die Schoof.
Die Mammi iss fatt uff die Blauderyacht
Un sie kummt net heem bis dunkel Nacht.
Schloof, Bobbeli, schloof!
Schloof, Bobbeli, schloof!
Der Daddi hiet die Schoof.
Die Mammi hiet die weisse Kieh;
Sie stehne im Dreck bis an die Gnie.
Schloof Bobbeli, schloof!
Literatur
[Ennere | Quelltext bearbeiten]- Walter E. Boyer (ed.), Albert F. Buffington (ed.), Don Yoder (ed.), Songs Along the Mahantongo (1951).