Im Moi
Im Moi, do kumma
Die bledder un blumma:
Was iss es doch immer im Moi so schee!
Siss alles so freelich,
Mar fielt sich so seelich,
Es macht eem en freed far naus tsu gee.
Die feggel duun singa, die felder sin grie,
Die fensameis hupsa am riggel dehie,
Es schreichelt der wind so darrich die beem,
Die iema, sie hoola der hunnich schun heem.
Die fleddermeis kumma,
Die moikeffer brumma,
Der foggel baut 's nescht un leegt sei oi,
Siss alles blessierlich,
Un des iss nadierlich,
Im freelicha, seelicha, glicklicha Moi!