De Deitsch Sproch
Ich schwetz in der Deitscha sproch;
Leeb se aw, un holt se hoch.
Se is ken farlornas kindt,
Dos mer in de hecka findt.
Se kumt hare fum schaena Rhein,
Wu se trauwa hen—und wein.
Des is yo en alter shtomm,
Gute im marrick—ga-try und fromm;
So hen unser, eltera g'schwetzt
Ganz tsu awfung—und tsu letzt,
Ware net fodder und mudder ehrt,
Is gewiss ken bune may wehrt.
Wulla kinner Anglish sei?
So ebbes sut by uns net sei.
Rida uf em Anglish gaul,
Botsich—mit em Deitsha maul.
Lus se rida, flink und gute,
Deitsh steck doch noch unerm hute!