Blattdeitsch-Schwetzer in Kansas

Vun Wikipedia
Zur Navigation springen Zur Suche springen

Blattdeitsch-Schwetzer in Kansas[Ennere | Quelltext bearbeiten]

In der Mitte vum 19. Yaahrhunnert sin viele deitsche Siedler aus Schleswig un Holstein nach dem Mittelweschte vun den Vereenichte Schtaate eigwannert. Viele vun die Immigrande hen sich in den Kaundis vun Washington un Marshall aagsiedelt. Een relativ kompaktes Schproocheiland is dadarrich gwaxe. Die Leit hen daheem un uff der Schtross un in die Schtors (Gscheefte) Platt-Deitsch (aa "Niederdeitsch" gheese) gschwetzt. In der Karrich hot mer uff Hochdeitsch gepredicht un die Gemee hot uff Hochdeitsch aa gsunge un gebetet. Schiergar alle Eiwuhner vun daere Schproocheiland waare Lutheraner. Die Gmee datt waare Deel vun der Deitsch-lutherische Missouri-Synode.

Des Schproch-Eiland in Kansas hot schpeeter aa all die Probleeme ghatt ass aa annere deitsche Schproch-Eilenner in Nadd-Amerikaa ghatt hen: zu wennich deitsche Schule, die Anglo-Konformität, die Weltkriege.

Een Blattdeitsche Schwetzerei-Druppe[Ennere | Quelltext bearbeiten]

Erscht in die letschte Yaahre hot mer aagfange die alte Heemet-Schrpoch nei zu belewwe. Abbadich der amerikanische Germanist un Hochdeitsch-Lehrer Scott Seeger vun der Kansas-Universität hot in 2004/2005 een Dissertations-Projekt iwwer die soziolinguistische Grind fer es Niedergehne vum Platt-Deitsch in selli Kaundis gschtaert. Er hot viele Interviews mit alte Plattdeitsch-Schwetzer aus der Gegend gemacht un een lokale Zeiding hot iwwer selli Sache gschriwwe. Sellewege hen die Leit gemerkt, ass ihre alte Schproch am verschwinne is un abaut 100 Leit hen aagfange een Vereenichung zu grinne: die "Low German Heritage Society" un es "Low German Language and Heritage Revitalization Project of Washington and Marshall Counties (Kansas)". Sie mache datt genaa die selwe Sach, ass mer aa in Pennsilfaani duht, um es Deitsch net schteerwe zu losse: yungi Leit lanne es, mer dreeft sich in een Schwetzerei-Druppe un singt un schwetzt zamme. Mer lannt ebbes iwwer die Geschicht vun der Volkskultur un dem Lewwe vun die erschte deitsche Siedler. Sie mache auch mannichmol een "Plattdietsch-Picknick" mit alle Familiye, wu mer zamme schwetzt un esse duht.

Der Scott Seeger is der Schrpoch-Beraader (language advisor) vun daere Projekt-Gruppe. Selli Projekt is aa Deel vun eem Netz-Warrick vun viele Plattdeitsch-Vereene un Gmeeschafte in den ganze Vereenichde Schtaate un es is deels finanziert beim Schtaat vun Kansas. Sie hen aa viel Kontakte mit bunnesdeitsche Plattdeitsch-Schwetzer, besonders aus dem Bunnesland Schleswig-Holstein.

Mehner zum lese iwwer die Plattdeitsch-Schrpochbewegung in den Vereenichde Schtaate:

Schreiwes[Ennere | Quelltext bearbeiten]

  • Gordon Scott Seeger: Socio-Economic Influence on Low German in North-Central Kansas: From Immigrant Language Lost to Heritage Language Revived. Ph. D. Dissertation. University of Kansas, Lawrence 2006.

Gwuelle[Ennere | Quelltext bearbeiten]

  • Plattdüütsch/Low German: A Brief History of the People and Language plus Glossary and Orthography (Griegscht Du hier: Platt Düütsch Press, 10748 100th St., Alto, MI 49302).

Blattdeitsch-Vereenichunge un Netz-Ressource im Mittelweschte[Ennere | Quelltext bearbeiten]

  • Low German Heritage Society / Low German Language and Heritage Revitalization Project of Washington and Marshall Counties (Kansas); Kontakt: Joyce Kracht, Co-chair (Marshall-K.), 785-337-2224; Dan Thalmann, Co-Chair (Washington-K.), 785-348-5768
  • Platt-Duetsche Corporation Nebraska, 1315 West Anna Street, Grand Island NE 68801, (308)382-0586, Johanna Homan