Altes Land

Vun Wikipedia
Zur Navigation springen Zur Suche springen

Altes Land - so heesse die Pennsilfaanisch-Deitsche der Weltdeel, wu ihr Voreldre gelebt henn, eb sie kumme sinn ins neie Land: Natt America. Die Leit im alte Land waare allfatt abbadich geindresst in was am aageh waar im neie Land bei die Pennsylvaanisch-Deitsche. Neegscht alliebber in die Pfalz hot Freindschaft ghatt in Pennsylvaani, un die Leit henn sich Brieflin gschriwwe riwwer un niwwer. Naach 1945 hot die Zeiding Die Rheinpfalz en Supplement ghatt am Wochend, ass Pälzer Feierowend gheesse hot. Datt hot mer newich Mudderschproochgedichte vun Leit aus'm alte Land aa Schreiwes finne kenne vun Leit aus Pennsyvlani. Abbadich der John Birmelin hot in die erschte Yaahre als emol ebbes gschriwwe datt drin. Sell Supplement henn die Publisher gschtoppt baut 1973. Naach seller Zeit henn die Paelzer nimmie viel lese kenne vun was am aageh waar im neie Land in Pennsylvaani.

Erscht 1997 hot en nei Zeiding gschtaert: Hiwwe wie Driwwe. Gschriwwe un gedruckt iss "HwD" im alte Land, awwer die Schreiwer sinn neegscht all Pennsylvaanisch-Deitsche, un so iss die ganz Zeiding in Pennsylvaanisch-Deitsch gschriwwe. Im Yaahr 2001 hot der Walter Sauer en glee Publishing Kumpni gschtaert im alde Land, ass Bicher in Pennsylvaanisch-Deitsch druckt. Un im Yaahr 2003 henn 21 Leit in Ober-Olm en Association gegrindt mit Naame Deutsch-Pennsylvanischer Arbeitskreis e.V. (German-Pennsylvanian Association). Sitter 2006 gebt's im alte Land en yaehrlich Versammling, der Deutsch-Pennsylvanische Tag.

Indressante Bletz fer Pennsylvaanisch-Deitsche im "Alte Land"[Ennere | Quelltext bearbeiten]

Feil:DPAK.jpg
En DPAK Project: Indressante Bletz fer Pennsylvaanisch-Deitsche im "Alte Land"

Indressante Bletz fer alli Amerikaner, ass 's alte Land bsuche[Ennere | Quelltext bearbeiten]