Franz Daniel Pastorius

Vun Wikipedia
Der Franz Daniel Pastorius

Der Franz Daniel Pastorius odder Franz Schäfer (* 26. September 1651 in Summerhause, † 27. September 1719 in Deitscheschteddel) waar en deitscher Loiyer un der eenzich deitsche Schreiwer vum Barock in Amerikaa. Er is uff die Welt kumme in Summerhause am Main. Des leit in Mainfrangge neegscht zu Würzburg (Deitschland). Nooch em schtudiere (Jura) iss er am End vum 17. Johrhunnert (1683) noch Amerikaa kumme un hot datt zamme mit Auswannerer vun Krefeld die erschd deitsch Siedlung (Deitscheschteddel odder Germantown) gegrindt, wu er aa glei Birgermeeschder warre iss. Schun ball hot er sich aa for die Rechte vun de Schwatze Sklaave eigsetzt wu vun de Englenner als minnerwerdich bedracht warre sinn. Auserdemm hot er aa noch de Wei- unn Gaardebau vun Frangge mit noch Nei-England gebrocht. Heidichdaags iss Germantown en Schtadtdeel vun Filadelfi.

Der Franz Daniel Pastorius hot am 6. November 1688 die Änneke Klostermann (* around 1663 in Mülheim an der Ruhr) gheiert. Sie henn zwee Kinner ghatt:

  • Johann Samuel (* 30. Yenner 1690 in Deitscheschteddel, † 1722)
  • Heinrich (* 1. Hanning 1692 in Deitscheschteddel)

Schreiwes[Ennere | Quelltext bearbeiten]

Beschreibung von Pennsylvania beim Pastorius
  • Umständige geographische Beschreibung der zu allerletzt erfundenen Provintz Pensylvaniae, in denen End-gräntzen Americae in der West-Welt gelegen. Andreas Otto, Nürnberg 1700 - Scan vun der Georg August Universität Göttingen
  • A New Primmer or Methodical Directions to attain the True Spelling, Reading and Writing of English, New York 1698
  • Four Boasting Disputers of this World Briefly Rebuked, New York 1698
  • Eigentliche Beschreibung der an der Spitz der Ost-See neuerbauten russischen Residentz-Stadt Sankt Petersburg. Frankfurt/M. u. Leipzig, 1718
  • Seventeenth Century American Poetry, hrsg. v. H.T. Meserole, New York 1968
  • Deliciae Hortenses (Gedichte), hrsg. v. Christoph Schweitzer, Columbia SC 1982

Guckt mol aa[Ennere | Quelltext bearbeiten]

Gewebbgleecher[Ennere | Quelltext bearbeiten]