William Stahley Troxell
William Stahley Troxell (der 11. Yuni, 1893, in Rising Sun, Pennsilfaani — der 10. Aaguscht, 1957, in Allenschteddel, Pennsilfaani) waar en amerikaanischer Schreiwer in der pennsilfaanisch-deitsche Schprooch. Der Beinaame as er aagewendt hot wann er am Schreiwe in Deitsch waar waar Pumpernickel Bill. Er hot vun 1925 bis 1955 oft Ardickel in Deitsch in The Allentown Call-Chronicle (schpaeder The Allentown Morning Call) Zeiding gschriwwe un von 1952 bis 1957 als Vorsitzer vum Pennsylvania German Society bedient. Er waar en beliebder pennsilfaanisch-deitscher Tietscher un en Schriftschteller vun Gedichde, Texde fer Feschde, un Raedioshows. Er hot Kutztown State Teachers College un Muhlenberg College geattendt.
Troxell, en Glied vun der Deitsche Reffemierde Kaerich, iss in Allenschteddel gschtaerwe un watt in Neffs Union Goddesacker in Neffs, Pennsilfaani, begraawe. Er waar aa en Glied vun der Lehigh County Historical Society un der National Society of Sons of the American Revolution. Troxell waar en Grinder vum Grundsau Lodge Muufment un sei Versammlunge un en frieher Beschitzer vum Kutztown Folk Festival.
Bicher
[Ennere | Quelltext bearbeiten]- Aus Pennsylfawnia: An Anthology of Translations into the Pennsylvania German Dialect (University of Pennsylvania Press, 1938, 1949)
- J. William Frey, A Morphological and Syntactical Study of the Pennsylvania German Dialect of Pumpernickle Bill (M.A. Thesis, University of Illinois, 1939; mit re Schreibmaschien gschriwwe).
- J. William Frey, Supplement to a Morphological and Syntactical Study of the Pennsylvania-German Dialect of Pumpernickle Bill (1939)
- (mit Thomas Brendle), The Pennsylvania Dutch Folk Tales (1944)
Beweisunge
[Ennere | Quelltext bearbeiten]- Dodelischt, The Morning Call, der 11. Aaguscht, 1957, pp. 2, 15.
Eisserliche Glaeche
[Ennere | Quelltext bearbeiten]- William S. Troxell in Find a Grave