West Nickel Mines Schuhlhaus Incident

Vun Wikipedia
Kerz
Kerz

Am 2 Oktower, 2006, hot's en Schiesserei gewwe in me amische Schuhlhaus. En Mann mit re Flint hot fimf Schieler gschosse im West Nickel Mines Schuhlhaus net weit vun Nickel Mines in Bart Taunschip, Pennsilfaani uff em White Oak Road. All die Victims waare Meed.

Naomi Rose Ebersole, 7
Anna Mae Stoltzfus, 12,
Marian Fisher, 13
Mary Liz Miller unn ihre Schweschder es Lina Miller, 8 unn 7
Amish in Pennsilfaani
Amish in Pennsilfaani
Nickel Mines
Der zwett Oktower,
An en waarmer Harebschtdaag,
Bin ich am 'me Schulhaus verbeigange,
Un hab Kinner schpiele sehne.


Sie hen die Naachricht noch net grickt ghat;
Alles waar bei ‘ne noch gut.
Sie hen nix gewisst, was ghaeppent is gwest
Net meh as en paar Meil fatt.


Uff 'me Bauerei bringe Eldre sie uff,
Hinnich Welschkann- un Hoifelder,
Mit Gottes Hilf un Beischtand -
Sie lanne sie bede,


Net weltlich zu sei,
Un vum Gotteswille net sich verlaafe.
Kennde nie net awwer sie vorbereide
Fer was der Daag bassiert is.


Mir Englischi bringe sie um.
Unser Wege nemme sie net in Acht.
Reschpekt fer ihre Lewesweis –
Sie froge nix meh.


Heit hot eener vun uns,
- Ferwas wisse mir net -
unsrer Welt ihre Schlechdes
In en Schulhaus vun ihne gebrocht.


De Kinner ihre Lewe,
As heit gnumme sin warre,
Sin yuscht en Nunnerbezaahling,
Vun was mir bezaahle misse.


Was heit bassiert is
Koscht arick viel meh,
Fer des waar der Daag,
Wu mir die Unschuld verlore hen.


K. Varden Leasa (Downingtown, PA)
Gwuelle
Hiwwe-wie-driwwe