Keith Haring

Vun Wikipedia
Gang nooch: Faahre-Gnepp, guck uff

Keith Allen Haring, vielleicht der bekannteschte Moler vun der Deitscherei aus letschde Zeit, is Moi 4, 1958 in Reddin, Pennsylfanni uff die Welt kumme. Er is in Kutzeschteddel, Pennsylfanni uffgwaxe. Do hen em sei schulmeschder iwwerzeicht bei a guudi kunschtschul sei college zu duh. Vun 1976 bis 1978 hatt er die Ivy School of Professional Art in Pittsbarig, Pennsilfaani bsucht, wu er graphic design hatt glannt. Derno is er nooch Nei Yarrick gange. In seller groosi Schtadt hat er ausglewt.

Em Keith Haring sei Molerei is in der ganzi Welt bekannt. Er hatt oifachi G'schtalte vun Mensche un Diere gemolt, un aa oifache unlewendiche Ardickel hatt er gemolt, wu so ausgsehne hett wie Mensche. Em Hering sei Molerei fer some Mensche sehne aus wie en cartoon adder graffitti. Ettliche Schticker sinn homo-erotisch. Annri vun sei Arweide hent ballitische adder gesellschaftliche Botschafte.

Haring hatt gemehnt die Mensche satt kunschtardickel fer wenich kaafe kenne, un so hatt er sei Schtoor mit billiche Preise, The Pop Shop, geeffnet. Sell Schtor, wu mer yuuscht em Haring sei Kunschtardickel griecht, is heidichdaags noch do bei Nei Yarick, un aa noch wolfel.

In seim Lewwe hatt Keith Haring gegempft fer ballitische un gesellschaftliche Dinger wie Menscherechte, Rechte vun gay Mansleit un vun lesbian Weibsleit, gege Apartheid in Saut Afrikaa, un fer helfe fer AIDS-grenke. Hanning 16, 1990 is er selwer vun seller Grankheit gestarewe. Er hatt bloos 31 Yaahre ghett.


Commons: Keith Haring – Pikder, Videos unn/odder Audiofeils