Deutsch-Pennsylvanischer Arbeitskreis
Vun Wikipedia
Lischt vum Inhalt |
[Ennere] Wie's g'schtaert hot
Sitter Moi 2003 gebt's in Deitschland en G'sellschaft mit Name "Deutsch-Pennsylvanischer Arbeitskreis e.V." (German-Pennsylvanian Association). Baut 50 Leit, wu geindresst sinn in was am aageh iss in die Deitscherei, kumme zweemol zamme im Yaahr: fer die Glieder Versammling und fer Event Deutsch-Pennsylvanischer Tag. Die anner Zeit schaffe sie zamme iwwer's weltweit Gewebb.
[Ennere] Was sie am duh sinn
Alleweil publishe sie alle Munet der DPAK-Neiigkeetebrief Deutsch-Pennsylvanisches Echo mit en latt Information iwwer was am aageh iss in Pennsylvanisch Deitschland. Eemol im Yaahr gebt's en nei Ausgab vun die Pennsylvaanisch-Deitsche Gehle Bledder (Yellow Pages). Im April 2006 henn sie en neier "Pennsylvania German Reader" mit Title Mit Pennsylvaanisch-Deitsch darich's Yaahr gepublisht. Sitter Harebscht 2006 henn sie den Deutsch-Pennsylvanischer Tag im alte Land. Sell iss en Versammling, ass Blatz nemmt an unnerschiddliche Bletz im alte Land.
[Ennere] Was sie nau noch duh welle (Projects)
Die Glieder welle browiere, pennsylvaanisch-deitsche Blatznaame zammegricke. Sell sett helfe, um noht verleicht deel pennsylvaanisch-deitsche Schtroossezeeche uffzuhenke ariyets in Pennsylvaani.
Newich sellem welle sie indressante Bletz fer Pennsylvaanisch-Deitsche im alte Land finne - Bletz, ass mer bsuche sett, wammer im alte Land iss.
Die Glieder henn aa der Blaan fer en Project schtaerte mit Naame En Friehyaahr fer die Mudderschprooch. Sell sett ebbes sei wie en "Series of Pennsylvania German Events" un sett Blatz nemme alle Yaahr zwischich der zwett Hanning un Tschuun 30.
En Project iss aa, ass die Glieder ebbes wie en nei Curriculum fer pennsylvaanisch-deitsche Claesse schreiwe welle, zamme mit Schulmeeschter alliwwer in Pennsylvaani. Wann sell recht schafft, will der Deutsch-Pennsylvaanische Arbeitskreis e.V. verleicht en Bichli mit Title Learning Pennsylvania German drucke.
[Ennere] Board
- Uff'm Board sinn
- President: Dr. phil. Michael Werner (sitter 2003)
- Vice President: Frank Kessler (sitter 2003)
- Glied uff'm Board un Geldhewer: Prof. Dr. Heinz Helfrich (sitter 2006)
- Glied uff'm Board un der Kall fer die Public Relations: Dr. phil. Walter Sauer (sitter 2003)
- Glied uff'm Board un der Kall fer Contacts in die Deitscherei: Edward Quinter (sitter 2009)
- Nimmie uff'm Board sinn
- PD Dr. phil. habil. Helmut Schmahl (2003-2006)
- Prof. Dr. David Valuska (2003-2009)
[Ennere] Honorary Members
- Prof. C. Richard Beam (2004)
- Prof. Dr. Don Yoder (2009)
[Ennere] Was mer duh kann
Ferschur kammer mitschaffe fer alles am geh halte. Meh Information grickt mer uff'm Heemetblatt vum "DPAK" im weltweit Gewebb.
